India, Japan Defence Ministerial meet nei mek

India leh Japan chuan Defence Ministerial meet, Japan khawpui Tokyo-ah an nei mek. 

He meet-a India aiawha kalte hi defence minister Rajnath Singh chuan a kaihruai a, Japan lam hi Japan minister of defence Takeshi Iwaya chuan a ho ve thung. Defence Ministerial meet-ah hian ram pahnih hian defence lama thawhdunna tur- Special Strategic, Global Partnership leh kawng hrang hranga thawhdunna tur an sawidun ang.

Ram pahnihte hian Japan-in India hnena a supply tur,  hun rei tak tihkhawtlaia awm tawh US-2 amphibious aircraft chungchang pawh an sawi rin a ni bawk. Defence minister Rajnath Singh hian nimin khan Tokyo hi a thleng a, Japan a tlawh zawh hian South Korea a tlawh leh dawn a, defence lama thawhdunna chungchang heng ram hruaitute hi a sawipui ang.

Rajnath Singh chuan a twitter-ah India leh Japan chuan inkungkaihna ṭha bik tak an neih thu leh, an ram a tlawhna chuan ram pahnihin defence lama an thawhdunna a tihchak ngei a beisei thu a sawi.Singh hi Japan-ah hian vawiin thleng a cham dawn a, Japan prime minister Shinzo Abe pawh meeting neihpui a tum a ni.