CBI kutah Chidambaram awm chhunzawm zel

Union minister hlui P Chidambaram chu Central Bureau of Investigation (CBI) kutah Nilaini thleng a la awm chhunzawm dawn. 

August 21-a CBI-in INX Media case-a an man hnuah, ni 12 chhung chu Congress hruaitu hi an kawl tawh a ni. Kar kal ta Zirtawpni khan special CBI court chuan investigating agency kutah Chidambaram hi Thawhṭanni thleng a la awm tur thu a sawi. Hemi hnu, nimin khan special CBI court-ah hruai leh niin, CBI ngenna angin Nilaini thleng agency kuta awm tura tih leh a ni. 

Supreme Court chuan INX Media case-a Enforcement Directorate (ED)-in man a tumna laka hum tura Chidambarama'n a ngenna chu a ngaihtuah. SC chuan kum 75 mi, Chidambaram-an Delhi High Court-in anticipatory bail a dilna a khin letna pawh a ngaihtuah bawk a ni.