Vladivostok-ah Modi-Putin summit

External Affairs Ministry chuan prime minister Narendra Modi chuan vawiin hian Russia tlawhin, Russia president Vladimir Putin nen summit an nei dawn tih a sawi. PM hian Vladivostok-a Eastern Economic Forum-ah a tel nghal dawn a ni. 

Foreign Secretary Vijay Gokhale chuan PM Modi hi Russia-ah hian a cham rei dawn lo a, darkar 36 chhung vel chauh a awm dawn tih a sawi. Eastern Economic Forum-a chief guest pakhat ni turin Modi hi sawm a ni. Vawiin hian Russia president Putin nen summit neiin, lawng siamna hmunpuite an tlawh nghal dawn a, Judo Championship pawh an endun dawn a ni. 

PM Modi chuan Russia president nena regional leh international issue ngaihtuaha summit an neih tur hi a nghakhlel tih nimin khan a sawi a, a zin tur hian ram pahnihte inlaichinna pawh a tihchak phah hngei a beisei tih a sawi bawk.