Affidavit dik lo thehluh vangin Chhattisgarh CM hlui fapa man

Chhattisgarh Police-te chuan nimin khan an chief minister hlui Ajit Jogi fapa Amit Jogi an man.

Amit Jogi hi 2013 state Assembly election-ah khan poll affidavit dik lo thehluta puh a ni a, hemi avang hian police-te chuan nimin khan manin local court-ah an hruai nghal.

Amit Jogi lakah hian BJP member Sameera Paikra chuan complaint thehlutin a nomination paper thehluhah khan a pianna hmun dik lo a ziak tih a sawi. Amit hi 2013 state inthlanah khan Marwahi seat-ah a ding a, Paikra hi vote 50,000 velin a hneh.

Marwahi hi tribal seat niin, tunah hian Ajit Jogi hi MLA a ni mek a, a fapa Amit hi 2013-2018 chhung khan he bialah hian MLA a ni ve bawk. Sameera Paikra chuan a complaint thehluhah Amit han Gaurela area-a  Sarbahara thingtlang khuaah a piang nia a inziah laiin a pianna tak tak chu US a nih thu a sawi a ni.

Complaint hi February-ah daih tawh khan a thehlut a, chhuichian a nih hnu, thla ruk zet a liam hnuah an man ta a ni.