Noida-Faridabad kawngpui hawng

Shaheen Bagh-a Citizenship Amendment Act (CAA) duh lohna lantira nawrh huaihawt a nih reng avanga ni 69 zet khar thawh, Noida leh Faridabad inkar kawngpui chu nimin khan rei vak lo hawn a ni. 

Noida-Faridabad inkar kawngpui danna thirte chu la sawnin hun rei vak lo hawn a ni a, mahse polcie-te chuan reilote hnuah an khar zui leh nghal a ni. 

Delhi-a Sarita Vihar leh Jasola tantlang, Jamia Nagar leh Shaheen Bagh kawngte chu kal theih loa dan chhunzawm an la ni. Nikum Decmber 15 aṭanga Shaheen Bagh-a Citizenship Amendment Act, National Population Register (NPR) leh National Register of Citizens (NRC) duh lohna lan tira nawrh huaihawt a nih avang hian Delhi chhim lama kawng ṭhenkhat chu khar a ni a, hei hian mipuite tan harsatna a thlen nasa tawh hle.