EC-in state CEO-te inthlan-pui neih tur thlirlawk pui

Election Commission of India chuan kar kalta Zirtawpni leh Inrinni khan state leh Union Territory tina Chief Electoral Officer-te chu conference neihpuiin, Lok Sabha inthlanpui lo awm tur atana inbuatsaihnate a thlir lawk pui. 

Ni hnih awh conference-ah hian electoral roll, EVM leh VVPAT chungchangte sawihoin, traning neih dan turte an sawi bo bawk. 

Chief Election Commissioner of India Sunil Aroral chuan electoral roll-te chu ennawn mek niin, inthlanpui lo awm turah peihfel hman a ni dawn tih a sawi. Voter zawng zawngte an inziahluh hman vek theihna turin theihtawp chhuah turin a ti bawk. 

Arora chuan voter-te tana 1950 Helpline pawimawhte sawiin, state CEO zawng zawngte hnenah a rang thei anga 1950 Helplince support system hi siam turin a ti bawk. Hemi hmang hian voter-te chuan Role-ah an hming, EPIC status an hre thei dawn a ni. 

Nikum kum tawp lama assembly inthlan neihna state panga - Madhya Pradesh, Chhattisgarh, Mizoram, Tela-ngana leh Rajasthan CEO-te chuan conference-ah hian inthlan neih zawh taka an tawnhriat leh zirchhuah hrang hrangte an sawilang a, state leh UT dang CEO-te chuan inthlanpui lo awm tura atana an inbuatsaih dante an sawilang bawk.