Quota vanga Constitution siam ṭhat hi a pawi thei : Sharad Pawar

National Congress Party (NCP) hotu Sharad Pawar chuan quota tihpun duh vanga ram danpui siamṭhat chu ram danpui innghah chhan tan thil pawi tak a ni thei tih a sawi. 

Parliament chuan general caterogy hnuaia economically backwad section tana sorkar hna leh zirna ina quota 10% dahsakna tur chu a pawm a, hei nen hian ST, SC leh Other Backward Class-te tana quota dah hi 60% a tling dawn a ni. 

Sharad Pawar chuan Prime Minister Narendra Modi-a kaihhruai NDA sorkarin inthlan tur thlira chawp chilh taka hetiang thutlukna a siam hian mipuite rilru a hneh phah dawn chuang lo niin a sawi. 

General category-a econo-mically backward section tana quota pekna tur pass a nih tak avang hian Constitution in reservation 50% chin tura a tih chu siam danglam a ngai dawn a, hemi a nih theih nan hian Constitution Articles 15 leh 16-te chu siamṭhat a ngai dawn a, hei hi ram danpui innghah chhan ber tan a pawi thei dawn a ni, a ti. Supreme Court pawhin reservation policy chungchanga  ngaihdan chu chiang takin vawi hnih aia tam a sawilang tawh a, SC chuan reservation siam 50% a pel tur a ni lo tiin a sawi a ni, a ti.