Enthlatua puh Army jawan man

Rajasthan Police-te chuan Jaisalmer-a Tank regiment-a Indian Army jawan pakhat chu enthlatua puhin an man. 

Army jawan man hian Pakistan-a ISI mi leh saten social media kaltlangin an thlem thlu a, military information pawimawh tak tak a hrilh ṭhin nia sawi a ni. 

Defence PRO Colonel Sambit Ghosh chuan jawan hi Rajasthan Police-ten an man thu sawiin, a chungthu chhuinaah pawh sipaite chuan civil authority-te chu theihtawpa an puih thu a sawi. Intelligence agency-te chuan Pakistan ISI mite nen an inbe pawp tih an hriat hnuah jawan hi thla li chhung an chhui zui a, thu an 

zawtfiah a ni. 

Jawan man hi a hming-pum tarlan a ni lo a, Sombir tih chauha puan niin, Haryana mi, Indian Army-a Armoured Corps a post lai a ni.