PM Modi vangin Odisha-ah thingkung 1000 chuang kit

Prime Minister Narendra Modi-a'n Odhisa state-a Balangira khua a tlawh dawn avangin he khuaa thingkung 1000 chuang zet chu kih a nih avangin Environmentalist-te an lungawi lo hle. 

Indian Railways enkawl ram hectares 2.25 a zauah thingkungte hi phun an ni a, PM Modi-a'n a tlawh dawn avang hian hectares 1.25 a zaua thingkungte chu kih vek an ni a, thingkungte hi helipad lailawk siamna tur atana kih an ni. "Ram lian tham loah pawh thuneitute hian thing an kih hma hian dilna an thehlut ngei ngei tur a ni. Thingte hi phun an nih hnuah chuan dilna tel lo chuan kih mai mai theih an ni lo. Hemi chungchanga mawhphurtu officer lakah hian case file ngei ngei tur a ni," tiin environmentalist Biswajit Mohanty chuan dan ngai pawimawh loa thing an kit mai chu dan kalh tlat a nih thu a sawi. Hemi chungchangah hian case kalpui a ni tawh a, thingkungte hi kih ngei an nih thu tarlan a ni.

Vawiin hian PM  Modi chuan a vawikhatna atana Khurda leh Balangir inkara tlan tur rel a vailiam dawn a, hemi hnu hian Odhisa khawthlang lamah mipui hmaah thu a sawi zui dawn bawk a ni.