Interim Budget 2019 : Railways in Rs vbch 70,000 dil

Ministry of Railways chuan Union Finance Minister Arun Jaitley-an February 1-a interim budget a pharh turah Gross Budgetary Support (GBS) atan cheng vaibelchhe 70,000 pe turin a ngen. 

Railway Ministry hian 7th Pay Commission hman anih tawh avangte, diesel man sang vangte, infrastructure man sang leh thil dang avanga sum an indaih loh chhoh avangin Finance ministry  hnenah hian sum a pek ṭhin chu 30% a tipung turin a ngen a ni. 7th PayCommission hman a nih aṭangin an sum mamawh chu cheng vaibelchhe 23,000 zetin a pun phah niin a sawi. 

Nikum khan Finance Ministry hian Railway tan GBS hi cheng vaibelchhe 53,060 a dah a ni. 

Interim budget hi inthlanpui awm dawn kumah, fiscal year thara hman ṭan theih nghal turin sorkarin a pharh ṭhin a ni. Kumin hian April-May chho hian  Lok Sabha inthlanpui  neih a nih dawn avangin NDA sorkar hian budget puitling pharh loin, interim budget hi a pharh dawn a ni. Budget puitling chu inthlanpui zawha sorkarna changtuin June emaw July emaw velah a pharh rin a ni. Interim budget-ah hian sorkar thar chelhtu tur tana phurrit siam thei turin chhiah tihhniam leh awlna lamte telh a nih ngai meuh lo.