India-in Cyber Defense Agency din dawn

Tunlai khawvel chang-kannain a ken tel Cyber Terrorism do let turin India sorkar chuan Cyber Defense Agency a din dawn. 

He agency a thawk tur hian Indian Army, Navy leh Air Force aṭang tein sipai pawhkhawm an ni dawn a, mi 200 bawr vel an ni ang. Cyber Defense Agency hi Integrated Defense Staff(IDS) Headquarter enkawlna hnuaia awm tur a ni a, National Cyber Security nen thawkdun tura duan a ni.

Army Eastern Com-mand hotu lu ber Lt Gen MM Naravane chuan, "Cyber terrorism lam hi kan hmachhawn dawn chauh a, hemi beilet tur hian cyber agency pawh hi din a ni. Indian army anga unit lian a ni dawn lo a, unit hrang hrang tana puitu tur a ni dawn. Technology ken tel India tana hlauhawm lam an buaipui ber ang," tiin agency thar hnathawh dan tur a sawi.

Nikum khan Cabinet Committe chuan India venhimna lama puitu tur agency pathum dinna tur a pawm a, Cyber Agency mai bakah hian Defense Space Agency leh Special Operations Division chu la din tur a ni.