Global education ranking-ah India-in hma a sawn

Times Higher Education Emerging Economies University Rankings-in khawvela ram ṭhang mekte zinga zirna in ṭha a tarchhuah thar berah India-in hma a sawn a, zirna in ṭha zual 200 tarlan zingah hian India rama zirna in 43 lai a lang a ni.

Nikum lam aiin India a che tha a, zirna in pasarih lai top 200-ah hian an lan belh a ni. India rama zirna in lang zingah Indian Institute of Science che tha berin 14-na a ni a, nikum lamah erawh 13-na a ni thung. Indian Institute of Technology, Bombay (27) chuan dawtin Indian Institute of Technology, Roorke chu 35-naah a awm ve bawk. Indian Institute of Technology, Kanpur chu a ṭha zual 50 zingah a tel bawk. 

India rama zirna inte che tha mahse China a la tluk lo hle a. China hi zirna in ṭha thlannah hian zirna in thawh hnem ber an ni a, top 200-ah hian zirna in 72 zet an thawh a ni. Times Higher Education Emerging Economies University Rankings-a top 5 zinga pali hi China rama awm a ni.