BJP sorkar demtu Mehbooba Mufti

Jammu & Kashmir a Peoples Democratic Party(PDP) hotunu leh J&K chief minister hlui Mehbooba Mufti chuan Jawaharlal Nehru University(JNU) zirlaite laka Delhi Police-te'n chargesheet an thehluh chungchangah sorkar lai Bharatiya Janata Party(BJP) chu mawhphurtu an nih thu a sawi.

Kum 2016 February thlaa JNU Campus a mipui punkhawmnaah JNU Student's Union hruaitu Kanhaiya Kumar leh a thurualpuite chu India ram sawichhe zawnga aurinna hmanga auah puh an ni. A hunlai hian Delhi Police-te'n thubuai ziak lut nghal lo mahse Lok Sabha inthlan neih dawn ṭepah thubuai ziahluh a ni a, PDP President Mehbooba Mufti a lungawi lo hle. 

Mehbooba Mufti chuan, "He thil thlengah hi chuan min ṭhawng tehchiam lo. Kum2019 Lok Sabha inthlan kan hnaih tawh hle a, an tih ṭthin dan pangngaiin Kashmiri-te hmangin vote hmuh an tum mai mai a ni. Thil thleng zing tak a ni," tiin Kashmiri zirlai pasarih laka thubuai thehluh a nih chu vote hmuh tumna mai mai a nih thu a sawi.

Zirlai hruaitu thubuai siamsakte lakah Indian Penal Code(IPC) 124A, 143, 120B hmangtein thubuai ziahluh a ni.