2040-ah Delhi leh Mumbai-ten airport pathum nei dawn

Ministry of Civil Aviation in vision 2040 document a tlangzarh tharah, kum 2014-ah Delhi leh Mumbai-te chuan airport pathum ve ve an nei dawn a, ram chhunga khawpui lian 31-te chuan airport pahnih ṭheuh an nei dawn bawk a ni. 

Report hi Mumbai-a Global Aviation Summit-ah tlangzarh a ni. Ministry in a hmathlir a tarlanah hian India rama airport lian ho chu kum 10-15 chhungin a ṭha thei anga bera thuam ṭhat tum a ni.  

Ministry official chuan kum 2040-ah chuan India ramah airport 190-200 vel a awm dawn niin a sawi a, airport siam tharna tura ram mamawh zat hi acre 150,000 vel zet a nih bakah , ram leina telloa capital investment ngai pawh dollar tluklehdingawn 40-50 vel a ngai dawn niin a sawi.