Israel PM-in India a zin tur ṭhulh

Israel prime minister Benjamin Netanyahu chuan New Delhi-a Prime Minister Modi nena September 9-a meeting neih tur an lo ruahman lawk chu a ṭhulh tih a sawi. 

Benjamin Netanyahu-an India rama rawn zin a  ṭhulh chhan hi September 17-ah Israel inthlanpui neih leh tura a campaign buai em vang a nih thu phone-in PM Modi hi a hrilh a ni. Kumin chhunga India rama zin a tum a 

ṭhulh  vawihnihna a ni. 

Israel PM hian  kumin kum tir khan lo zin a tum tawh a, mahse April thlaa inthlanpui an ramin an hmachhawn dawn avangin a zin tur hi a lo ṭhulh tawh bawk. 

April thla a inthlanna neih ah khan Netanyahu kaihhruai Likud Party chuan seat 35 laiin, seat la hnem ber an ni. Party mala sorkarna an siam theih loh avangin ṭangrual sorkar siam tumin an bei a, mahse ṭangrual sorkar din tura chakna an neih theih tak loh avangin, Israel Parliament, Knesset member 120 thlanna hi September 17-ah neih ṭhat leh a ni dawn.  Israel chanchinah ṭangrual sorkar din theih loa an awm vawikhatna a ni.