UAPA Act hnuaiah Azhar leh Saeed te firfiakah puang

Sorkar laipui chuan anti-terror law siamṭhat, Unlawful Activities (Prevention) Amendment Act, 1967 hnuaiah Jaish-e-Mohammad hotu Masood Azhar leh Lashkar-e-Taiba dintu Hafiz Muhammad Saeed te chu nimin khan firfiakah a puang. 

Unlawful Activities (Prevention) Amendment Act, 1967 hi thla hmasa khan Lok Sabha-ah pass a ni tawh a, Rajya Sabha pawmpuina  nghah mek a ni. He dan siamṭhat hnuaiah hian sorkarin firfiaka a puante thil neih chu khawih chet theih loha hrek sak an nih theih bakah, an zin khapna pawh siamsak theih an ni ang. 

Home ministry chuan thuchhuah siamin, "Sorkar laipui chuan Maulana Masood Azhar leh Hafiz Muhammad Saeed te hi firfiaka chetnaah an inhnamhnawih ngei tih a ring tlat a, hei vang hian  Unlawful Activities (Prevention) Amendment Act, 1967 hnuaiah firfiakah a puang a ni," a ti. 

Kum 2008-a Pakistan firfiakten Mumbai an beihnaa a mawhphurtu bera puh, Saeel leh kum 2001-a  Parliament beihna leh tunhnaia Pulwama-a CRPF convoy beihnaa mawphurtua puh, Azhar-te hi Rajya Sabha-in anti-terror law siamṭhat a pass hun leh, dan siamṭhat hi hman a nih hunah mimal, firfiaka puan hmasa ber an ni dawn a ni.