London-a Indian embassy lungin vawm
London-a Indian High Commission (IHC) kawta India-in Jammu and Kashmir special status Article 370 a paih sak duh lohna lantirna neite chuan IHC building hi lungin an vawm a, darthlalangte pawh a keh hial.
India chuan hei hi a dem hle a, United Kingdom sorkar chu hremna na tak lekkawh turin a ngen.
Ministry of External Affairs chuan nimin khan thuchhuah siamin, thla khat chhungin hetiang thil hi ṭum hnih a thlenna a ni tawh. Kan pawm thei lo a, UK sorkar pawh inrawlha na taka hremna lekkawh turin kan ngen a ni, tiin an tarlang.
London-a Parliament Square-ah Thawhlehni khan India-in Article 370 a paih duh lohna ‘Kashmir Freedom March’ buatsaih a ni a, hetah hian India dodalna thuziakte an keng a ni. Nawrh huaihawtte hian IHC building hi lungin an vawm a ni a, hemi kaihhnawihah hian mi pahnih man an ni tawh bawk.
August 15, Independence Day-ah khan Kashmir chungchang vang bawk hian IHC building hi vawm a lo ni tawh a ni. August 15-a nawrh huaihawtna avang hian London police-te chuan mi pali an man.