India-in firfiaka a puan tharte US-in thlawp

Sorkar laipui chuan Nilaini khan anti-terror law siamṭhat, Unlawful Activities (Prevention) Amendment Act, 1967 hnuaiah Jaish-e-Mohammad hotu Masood Azhar leh Lashkar-e-Taiba dintu Hafiz Muhammad Saeed-te chu firfiakah 

a puang. 

United States chuan India thutlukna siam chu a thlawp thu tarlang zui nghalin, Pakistan-a innghat mi pali, India-in firfiaka a puan tawhte chu an thlawp tih a sawi. US Acting Assistant Secretary for South and Central Asia, Alice G Wells chuan a twitter-ah  India thutlukna chu an pawmpui tih a tarlang. India-in misual pali -  Maulana Masood Azhar, Hafiz Saeed, Zaki-ur-Rehman Lakhvi leh Dawood Ibrahim-te firfiaka a puanna chu an pawmpui tih a tarlang a ni.

Unlawful Activities (Prevention) Amendment Act, 1967 hi thla hmasa khan Lok Sabha-ah pawm a ni lo tawh a, Rajya Sabha pawmpuina nghah mek a ni. He dan siamṭhat tur hi House pahnihin an pawm a nih chuan sorkarin firfiaka a puante thil neih chu khawih chet theih loha hrek sak an nih theih bakah, an zin khapna pawh siamsak theih an ni ang.