Union minister hlui Ram Jethmalani a thi

Veteran lawyer leh union minister hlui Ram Jethmalani chu hun rei tak a damloh hnuin nimin zing khan kum 95 mi niin Delhi-a a chenna inah a thi. Nimin tlaikhan vui nghal a ni. 

Rajya Sabha member ṭum ruk ni tawh, Jethmala hi Atal Bihari Vajpaypee kaihhruai NDA sorkarah kum 1998 leh 1999  khan minister a lo ni tawh a, mahse kum 2000 khan a bang a ni. Kum 2004 inthlanpuiah khan Lucknow bialah PM hlui Vajpayee hi a khing zui a, mahse a chak zo lo. 

Party duhdan kalha cheah puh a nih vangin kum 2013 khan BJP chuan Jethmalani hi an party aṭangin an hnawtchhuak a, kum 2016 khan RJD ticket-in Rajya Sabha member atan thlan tlin a ni. Lawyer hmingthang tak niin, politican lar tak tak LK Advani, Lalu Prasad Yadav, J Jayalalithaa leh Arvind Kejriwal-te tan pawh a lo ding tawh a ni. Kum 17 mi chauh a nih laiin law degree hi a nei a, Karachi-ahte a lo thawk tawh a ni. Kum 2010 khan Supreme Court bar Association president atan thlan a ni bawk. Lawyer hlawh sang ber zingah a tel a, kum 2017 khan lawyer hna hi a chawlhsan ve chauh a ni.