India rama greenfield industrial smart city hmasaber hawng

Maharashtra state-a Aurangabad khuaa Marathwada hmunah kar kal ta Inrinni khan prime minister Narendra Modi chuan India rama greenfield industrial smart city hmasa ber tur acre 10,000 a zau Aurangabad Industrial City (AURIC) chu a hawng.

Chhawng ruka sang Auric Hall pawh a hawng nghal a, he building hi smart city inrelbawlna leh hmalakna relkhawmna hmun tur a ni. Mipuite'n awlsam taka in an zawn duh address an hmuh/hriat zung zung theih nan, Auric chatbox pawh hman thei tura chhawpchhuah nghal a ni bawk.

Aurangabad-a Marathwada hmuna greenfield industrial smart city hawn hian, Industry lamah India rama khawpui lian pahnih Delhi leh Mumbai-te hmasawnna kawngah a pui nasa dawn hle a ni.

Maharashtra state-a Modi a zin chhung hian hmeichhe self-help group buatsaih handicraft exhibition-ah a telpui nghal a, state chief minister Devendra Fadnavis leh Minister of Rural Development, Women and Child Welfare Pankaja Munde chuan an ṭawiawm bawk.