Delhi-a buaina chhuak kaihhnawihah Shashi Tharoor leh journalist paruk lakah FIR thehlut

Republic Day ni, January 26-a Delhi khawpui chhunga loneituten tractor rally an huaihawtnaa buaina chhuak kaihhnawihah, Noida Police station-ah Congress MP Shashi Tharoor leh senior journalist parukte lakah FIR thehlut a ni. 

Sector 20 police station-a FIR ziahluhah Delhi khawpuia buaina chhuak chungchang chu Shashri Tharoor leh journalist-te digital broadcast leh social media post siam vang nia sawi a ni. Sorkar laka hel tura fuiha puhna pawh a tel a ni. FIR thehluttu hming hi puanzar a ni lo. 

Indian Penal Code section hrang hrang hnuaiah FIR hi thehluh a ni a, hei bakah hian Tharoor leh journalist-te hi Information Technology Act hnuaiah thubuai siamsak an ni bawk. 

FIR-a tarlan journalist-te hi Mrinal Pande, Rajdeep Sardesai, Vinod Jose, Zaf

ar Agha, Paresh Nath leh Anant Nath-te an ni.