Sisodia-a'n Ghazipur border-a nawrh huaihawtna hmun a tlawh

Delhi deputy chief minister Manish Sisodia chuan nimin khan farm law duh lohna lantira loneituten nawrh an huaihawtna, Ghazipur border a tlawh a, Delhi sorkarin an mamawh a pek dan turte a enfiah. 

Aam Aadmi Party (AAP) hruaitu chuan loneitute hi Delhi sorkar chuan a thlawp tih a sawi a, nawrh huaihawta awmkhawmte hnenah tui thianghlim in tur leh an mamawh zualte pek dan tur te, toilet siam dan turte a enfiah tih a sawi a ni. 

Sisodia chuan loneitu hruaitu, Rakesh Tikai chuan Delhi chief minister Arvind Kejriwal  biain, an awmna hmuna an mamawh zualte pe turin a ngen tih a sawi. 

CM thupek angin, heng ma­mawhte pek dan tur hi ruahman nghal a nih thu a tarlang.