Highway ministry-in yellow marking khap

Union Ministry of Road Transport and Highways (MORTH) chuan concrete road leh lei-a yellow marking hman ṭhin chu a khap dawn. 

Ministry chuan kawng-puia chhinchhiahna atana rawng eng (yellow) hman ṭhin ai chuan rawng var (white marking) hman chu a ṭha zawk a, road safety atan pawh a ṭha zawk niin a sawi. A bikin zan leh khaw hnawn laiin rawng eng aiin rawng var hi a ṭha zawk niin Director General, Road Development, MORTH chuan a tarlang. 

Union ministry chuan National Highways Authority of India (NHAI), state sorkar leh union territory zawng zawngte hnenah concrete road-a marking siamte chu rawng var veka siam turin a hriattir nghal bawk. 

Hetihlai hian kawngpui chungchanga kaihhruaina siamtu Indian Roads Congress (IRC) chuan concrete road-a pavement marking-te chu rawng eng veka siam tur a ti thung. National highway official chuan, "Concrete road hrang hrang, two-lane leh four-lane national leh state highway bakah leiahet chuan pavement marking hi rawng eng veka siam tura tih a ni. Mahse an lamah chuan rawng eng aiin rawng var hi hmuh a awlsamin a langsar zawk a, hei hi kawngpuia tlante himna atan pawh a pawimawh a ni", a ti. Concrete road-a chhinchhiahna siamna rawng thlak ni mah se, bitumious road-ah erawh chuan chhinchhiahna siamna atan hian rawng eng hman chhunzawm a la ni thung ang.