Private Institution-ah mi-rethei chanpual dah dawn

Union human resource development Minister Prakash Javadekar chuan Schedule Caste, Schedule Tribe, Other Backward Classes leh sum paia harsatna neite tana mimal enkawl zirna inah chanpual bik siam a ni dawn tih a sawi.

Tun dinhmuna a lan dan chuan sorkar lai thutlukna siam hi Parliament a Money Bill put luh a nih rualin put luh tel ve a nih rin a ni a, nimahsela Narendra Modi sorkar hian Parliament a pu lut kher lo pawhin thutlukna an siam mai rin a ni bawk. Kum 12 kalta khan mimal zirna ina chanpual hran siamna tur hian India Constition chu her danglam a lo ni daih tawh a, tunah a taka kalpui a ni ṭan dawn a ni.

BJP sorkarin general category zinga sum leh paia harsa bikte tana 10% chanpual a siam belh avangin sorkar zirna inte pawhin an zirlai neih theih zat an tihsan a ngai ngei dawn niin a lang.