NREGA tan Rs vbch 6,084 pek belh

National Rural Employment Guarantee (NREGA) scheme chuan kum khat atana a sum neih chu thla thum zet hun a la awm chungin 99% zet a hmang zo tawh a, hei vang hian thla thum chhunga hman tur hian cheng vaibelchhe 6,048 pek belh leh a ni.  

Sum pekbelh leh nen hian kum 2018-19 chhunga tana MGNREGA tana sum pek hi cheng vaibelchhe 61,084 a tling dawn a, hei hi sum pek a nih tam ber ṭum a nih thu Ministry of Rural Development chuan a tarlang. 

January 16-a scheme financial statement-ah hnathawh zawh tawhna hlawh pek tur hi cheng vaibelchhe 4,064 zet awm nia tarlan a ni. Tuna sum pek belh 

aṭang hian heng sum pek tur tihkhawtlaite hi pek tel a nih chuan, thla thum chhunga hna thawh tharna tura tan chuan sum a tam tham thei dawn chuang lo niin People’s Action for Employment Guarantee member Rakshita Swamy chuan a sawi.