Ram pathum tlawh turin President zin chhuak

President Ram Nath Kovind chu ram pathum - Iceland, Switzerland leh Slovenia tlawh turin Pathianni zan khan a zinchhuak. 

President hian a zinnah ram hruaitute kawmin, India nena thawhdunna leh inlaichinna ṭha zawk neih dan turte a sawipui ang. Iceland-ah hian September 9-11 a cham ang a, hetaṭang hian Switzerland panin, September 15-ah Slovenia a thleng ang. September 17 hian India ramah a rawn kir leh dawn a ni. 

India-in president Kovind-a'n Iceland a tlawh tura Pakistan airspace hman a dilna chu Pakistan chuan a hnawlsak. Ministry of External Affairs thupuangtu Raveesh Kumar chuan hemi chungchang hi sawichhuakin, Pakistan thiltih dan chu pawi an tih thu a sawi.