Urmila Matondkar-i'n Congress a chhuahsan

Indian actress ni ṭhin politics lam zuanglut ta, Urmila Matondkar chuan nimin khan Congress a chhuahsan tih a sawi.

Urmila hi Mumbai North Parliamentary constituency-ah dingin kumin Lok Sabha inthlanah khan a chak lo a ni. Thla ruk liam ta lawkah khan Cogress hi a zawm a, in-house politics-ah rilru zim tak tak an awm avang leh an party hruaitute chu house mumal taka enkawl loah a puh.

July thla khan Mumbai Congress chief Milind Deora hnenah lehkha lo thawn tawhin an party-a a senior Sanjay Nirupam leh a thawhpui hnaite a lo sawisel tawh a, heta a sawisel te hi mawhphurhna thar pek an ni leh si a ni. Deora hnena a lehkha thawn pawh hi a darh zui leh tih sawiin, party chu a chhuahsan ta tih a sawi.

Urmila hian party dang a zawm rih lo mai thei tih a sawi bawk a ni.