PM Modi-a'n NADCP a hawng
Prime minister Narendra Modi chuan nimin zing khan National Animal Disease Control Programme (NADCP) chu Uttar Pradesh-a Mathura khuaah a hawng.
National Animal Disease Control Programme (NADCP) hnuaiah hian, ran vulh maktaduai 500 chuang vaccine hmanga an ke leh kaa natna awmte enkawl an nih theih nana hmalak a ni dawn. He programme hi central aṭangin 100% funding tura tih a ni a, cheng vaibelchhe 12,652 chu kum 5 chhung atana dah niin, 2024 thleng daih tura duan a ni. Vaccine hmanga enkawl tura tihte chu bawng, lawi, beram, kel leh vawkte an ni.
He hunah hian Modi chuan blawhhlawh leh plastic thliarhran a pawimawhna chu plastic bawlhhlawh buaipuitute hnenah a sawi. Bawlhhlawh paihna khawlte chu a enfiah nghal a, ran doctor-te pawh kawm kual nghalin, bawngte hi engtia enkawl hrisel chi nge tih leh, natna lakah eng anga venhim theih nge an nih tihte chu a sawipui bawk.
Loneitute pawh kawm kual nghalin, NADCP hi loneitute tana tih a nihna angin, hei hian an lakluh a tih pun tur thu a hrilh. District 687-a Krishi Vigyan Kendras (farm science center)-ah nimin vek khan Modi chuan rampum huapin ran vulhte a pa tel loa raitir theihna tura hmalakna tur chu a hawng bawk.