Sorkarin nunna chhanhim a tum a ni zawk : Nitin Gadkari

Union minister for Road Transport and Highways, Nitin Gadkari chuan Motor Vehicles Amendment Act (MV Act) hman chungchangah, sorkar chuan dan bawh­chhiate hnen aṭanga sum tam tak a chawitir aṭanga sum lakluh chu a tum ni loin, nunna chhanhim chu a tum a ni zawk, a ti. 

Minister chuan India ram chu road accident avanga thihna thleng tamna ber a nih thu a sawi. Sorkar laipuiin MV Act a siamṭhat hnuaiah hian dan bawhchhiate sum chawitir zat chu nasa taka tihpun a ni. Sum chawi zat tura bithliahte hi state sorkar ṭhenkhat chuan tihtlem an tum a ni. 

Gadkari chuan sorkar chuan mihring nunna chu a dah pawimawh ber a ni tiin, sum chawi zat tih vel aiin nunna chu a pawimawh zawk a ni, a ti. Dan bawhchhe lote chuan an chawi dawn chuang lo tih sawiin, dan khauh leh khirh zawk siam hian accident thleng pawh a tihtlem phah thei dawn tih a sawi. "Mi nunna chhanhim a ni thei dawn a ni," tiin a sawi.