J&K-ah vur tawlhin mi pathum chhilh hlum

Jammu and Kashmir-a Ladakh-a Khardung La Pass-ah vur tlawhin nimin zing khan SUV a chhilh a, mi pathum a chhilh hlumin, chin hriat lohin mi pakua an la awm mek bawk. 

Khardung La Pass hi feet 17,500 zeta sanga awm niin, khawvela motor kawng awmna sang ber a ni. Vur tlawhin motor a chhilh tih hriat a nih velah police leh State Disaster Relief Force-te bakah district thuneitute chu a hmunah kalin chhanchhuah hna an thawk nghal a ni. 

Kashmir hian thlasik khawvawt zual ni 40 chhung 'Chillai-Kalan' tia sawi ṭhin, vur sur a tam leh khua a vawh zual lai a tawng mek. Chillai-Kalan hian January 31 thleng a awh a ni. Ni 40 hnuah hian ni 20 chhung awh Chillai-Khurd (small cold)  hun thleng lehin, a hnu ni 10 chu 'Chillai-Bachha' (baby cold) tih a ni ve leh thung.