Court-in Chidambaram dilna hnawlsak

Delhi court chuan union minister hlui P Chidambaram-a'n money laundering case-a Enforcement Directorate hnena surrender a dilna chu a hnawlsak. Hei vang hian Chidambaram hi Tihar jail-ah a awm chhunzawm a la ngai dawn a ni. 

INX Media case kaihhnawihah Central Bureau of Investigation (CBI)-in Chidambaram hi an man hnuah, ni 15 chhung judicial custody-a dah tura tih a ni a, Tihar jail-ah hian dah a ni. 

Ningani khan ED chuan court hnenah, Chidambaram hi INX Media case-ah hian man ngei hi a ṭul tih a sawi, hun an tih takah an man dawn tih an sawi bawk. Mahse CBI case-ah judicial custody-a a awm mek avangin, an thil chhui hna pawh a tibahhlah thei dawn lo tih an sawi a ni. Hetihlai hian Chidambaram-a ukilte chuan EC thiltih dan hi Chidambaram tawrh belh tir an duh hrim hrim vang niin an sawi thung.