Economy aia 'bawng' leh 'Om' ngaipawimawh zawkah Modi puh

Eptu pawlte chuan Uttar Pradesh-a Mathura khuaa Nilainia prime minister Narendra Modi thu sawi, ram economy sawi loa, 'bawng' leh 'Om' chungchang a sawi vanga mipuite an lo thlabar ṭhin thu tih vel mai mai a sawi chu, awm lo an tih thu an sawi. 

Modi hian Mathura khuaah hian National Animal Disease Control Programme (NADCP) a hawng a, hetah hian, 'bawng' leh 'Om' chungchang ka sawi avangin India mipui ṭhenkhatte chu an lo hlau a ni, tiin kalkhawmte hmaah a sawi a ni. 

Congress thupuangtu Abhishek Singhvi chuan Modi-a'n kan ram economy tlu chhe mek chungchang sawi loa, 'bawng' leh 'Om' ringawt a sawi hi thil mak tak a ni. He a thusawinaah hian mipuite chuan economy lam an bengkhawn theih lohnan a sawi kual/peng vel a ni, a ti bawk.

Modi hi ram economy vei tak tak lohah eptu pawlte chuan an puh a, bawng vanga mihring thi an awm chuan Modi chu thlabar turin an hriat­tir a ni. All India Maj­lis-e-Ittehad-ul-Mus­limeen (AIMIM) chief Asaduddin Owaisi chuan Constitution nasa taka tihnawmnah a nih vangin Modi chu a thlabar tur a ni, a ti ve thung.