BSNL hnathawkte nuar dawn
All Unions and Associations of BSNL (AUAB) chuan vawiin hian rampum huapin chaw ngheia nawrh a huaihawt dawn.
AUAB hian cabinet-in a lo pawm tawh, Bharat Sanchar Nigam tuaitharna tur a lo siam tawh chu a rang thei anga hman an phut a ni. Nikum khan union cabinet chuan BSNL leh MTNL revival package, cheng vaibelchhe 69,000 a lo pawm tawh a, he package-ah hian 4G spectrum pek, funds via long-term bond atan BSNL hnenah Rs vbc 15,000 leh MTNL tan Rs vbc 6,500 dah, hmanrua tihchangtlun, bakah voluntary retirement scheme hmante a tel. Mahse heng zingah hian VRS chauh hi a taka hman la niin, BSNL hnathawk 78,569 chu chawlh tir an ni.