Pakistan ang lo takin India-ah Minority-ten himin an inhria: Rajnath Singh

Union defence minister Rajnath Singh chuan nimin khan Pakistan ang lo takin India-ah chuan minority-ten himin an inhria tih a sawi.

Pakistan-ah chuan minority-te chu him lo hlea an inhriat thu sawiin, India-ah erawh hetiang hi a ni ve lo a ni, a ti. Rajnath Singh chuan a Twitter-ah Pakistan-ah chuan hun rei tak ata tawh human rights palzut a ni tih sawiin, ram pahnih inṭhen darh hnua Pakistan lama awmte chuan  hmuhsit an tawh bakah 'Muhajir' tia koh an ni. India-ah erawh mi zawng zawng zah an nih bakah an him a ni, tiin a sawi.

Pakistan-a cheng Sindhi community, Sikh community, Balochs leh minority community dangte chunga thil thleng chu khawvel hmuhah thuhruk a ni lo. UN conference-a human rights palzut chungchang sawitu Pakistan chuan a ram chhunga thil thleng a enfiah hmasa tur a ni, tiin na takin Pakistan chungchang a sawi a ni.

"Kan ṭhenawm ram hian terrorism chungchanga a policy a kalsan tur a ni, a nih loh chuan engtik niah emaw chuan loh theih lohin a la kalsan a ngai dawn tho; chutih hunah chuan eng ram thiltihtheihna mahin kehdarhna lak ata a chhanhim thei lo ang," a ti bawk.