Pakistan-in ṭum 2,000 chuang inkahhai bawhchhe tawh

Sorkar laipui chuan Line of Control (LoC)-a India leh Pakistan-in inkahhai an puan chu Pakistan lamin kumin chhungin ṭum 2,000 chuang an bawhchhe tawh tih a sawi. 

United Nations meet-a Pakistan-in Kashmir-ah India chuan human rights a palzut nasa tia a sawi hnuah India chuan chhangin, Pakistan puhna chu thu dik lo a nih thu leh, Pakistan zawkin vawi tam tak inkahhai thuthlung an lo siam tawh chu a palzut thu a sawi. Inkahhai palzut a, India lama silai a hmehpuahna avangin India mi 21-in an thihphah tawh tih a sawi bawk. Hei bakah hian Pakistan chu ramri kaltlanga India rama firfiaka chetna thlen ṭhinah a puh bawk a ni. 

Sorkar laipuiin Jammu and Kashmir special status pekna, Article 370 a tihtawp avangin Pakistan chuan na takin India sorkar a sawisel fo a, international forum hrang hrangah pawh India hek zawngin thu a thlen fo a ni. UN Human Rights Council-ah pawh Kashmir chungchang chhui chiang tur hian a lo thlen tawh bawk.