MP hlui 82-ten bungalow la chhuahsan lo

Lok Sabha panel-in warning a pe chungin, MP hlui 82-te chuan tun thlengin Delhi-a an official bungalow an la chhuahsan lo. 

August 19 khan Lok Sabha Housing Committee, CR Patil kaih­hruai chuan MP hlui 200, official bungalow-a la awm chhunzawmte chu hriattirna pein, kar khat chhunga an bungalow chhuahsan a, ni thum chhunga power, water leh cooking gas connection-te titawp vek turin a lo hriattir tawh a ni. 

Committee thupek an hmuh hnuah, MP hlui tam zawk hian official bungalow hi an chhuahsan a, hetihlai hian mi 82-te erawh chu an la awm chhunzawm lui zel thung a ni. Committee chuan he thil hi pawm theih a nih loh thu leh, official bungalow chhuahsan duh lo MP hluite chungah action na taka lak a nih tur thu a sawi. 

MP hlui tam takin an bungalow an chhuahsan duh lo vang hian, kumin Lok Sabha inthlanpuia MP thlan thar eng emaw zat chu an awmna tur lailawk pek an ngaih phah a ni.