Public safety law hnuaiah Farooq Abdullah hreng

Srinagar Lok Sabha MP leh Jammu & Kashmir chief minister ṭum thum lai lo ni tawh Farooq Abdullah chu Jammu and Kashmir Public Safety Act hnuaiah a inah hren chhunzawm a la ni.

Public Safety Act hnuaiah hian sorkar chuan ṭul a tih a, state security tana hlauhawm nia a ngaih chuan kum hnih thleng pawh a hreng thei. Farooq Abdullah hi Srinagar-a a chenna inah hren a ni a, a chenna in chu subsidiary jail anga puan a nih thu sorkar official pakhat chuan a sawi. Kum 81 lai ni ve tawh Abdullah hi J&K-ah chuan  mainstream politician senior berte zinga mi a ni tawh a, National Conference president a ni mek bawk.

Tamil Nadu politician Vaiko petition thehluh chungchanga court-a Abdullah inlan tura tihna chu ngaihtuah a nih dawn mek laiin Supreme Court chuan Public Safety Act hnuaia hren chhunzawm a nihna tur thupek hi a  tichhuak a ni.

Chief Justice of India Ranjan Gogoi kaihhruai bench chuan petition lut chu tun thla tawpa a ngaihtuah leh hunah chhang turin a ti bawk.

Farooq Abdullah hi August 5 aṭang khan house arrest-in a inah hian hren a la ni char char a, tunah chuan J&K Public Safety Act hnuaiah hren chhunzawm a ni dawn ta a ni.