Sorkar laipui aṭangin puihna kan la dawng lo : PC Sharma

Madhya Pradesh minister PC Sharma chuan kar kal ta Inrinni khan, ruah leh tuilian avanga chhiatna an tawh ṭan­puina tur  pawisa sorkar laipui aṭangin engmah an state-in an la dawn loh thu a sawi.

Kan state chief minister Kamal Nath chuan kan state-a ruah leh tuilian turte ṭanpui nan sorkar laipuiah cheng vaibelchhe Rs 2000 a dil a, mahse chengkhatmah kan la dawng lo a ni, a ti. Madhya Pradesh a tuilian tuarte ṭanpui hna hi National Disaster Response Force, State Disaster Response Force leh state police-te chuan an thawk a, harsatna tawk nasa zual district 36 ṭanpuina turin cheng vaibelchhe 100 sem a ni tawh. Relief centre 255 siam a ni a, Emergency centre 51 siam a ni a, mi 45,000 vel hmun him lama sawn chhuah an ni. Chaw leh damdawi dahna atan Temporary camp 150 siam a ni bawk. 

Sharma chuan chuan disaster fund vaibelchhe Rs 1,066 aṭangin vbc Rs 325 an hman tawh thu a sawi. Pathianni khan Cabinet Secretary Rajiv Gauba kaihhruaina hnuaiah National Crisis Management Committee (NCMC)-te chu 

ṭhu khawmin Madhya Pradesh leh Rajasthan a chhiatna chungchang an sawi ho.