Special court 1,023 din belh dawn

Hmeichhia leh nau­pang khuaikhem chung­changa case mtd 1.66 tihkhawtlaia la awmte rang zawka ngaihtuah a nih theih nan, fast-track spe­cial court (FTSC) 1,023 din turin sorkar laipui chuan rawtna a siam.

FTSC 1,023 din belh tur zinga court 389 chu Supreme Court thuneihna hnuaia mi tur a ni a, heng court-te hian Protection of Children from Sexual Offences (POCSO) Act case an kengkawh a ni. A dang FTSC 634-te chuan pawngsual case leh POCSO Act hnuaia thubuaite a ngaihtuah ve thung ang. Heng FTSC din thar tur court pakhat zel hian, quarter khatah case 41-42 zel a khawih theih beisei a ni a, kum khatah case 165 court pakhatin a khawih theih beisei a ni bawk. Department of Justice chuan POCSO Act hnuaiah India ram court hrang hrangah hian pawngsual thubuai 1,66,882 tihkhawtlai a awm thu an tarlang. Heng case-te hi district 389-ah tihkhawtlai mek a ni.  

FTSC hi October 2 aṭanga kalpui tum a nih thu Law Ministry chuan an tarlang.