Public Premises Amendment Bill, 2019 hmang ṭan

Public Premises (Evic­tion of Unauthorized Occu­pants) Amendment Bill, 2019, Budget Session hnu­hnung bera an pawm tak chu hman ṭan a ni.

Thawhṭanni khan hemi chungchangah hian  Gazette Notification tihchhuah a ni a, Mi­nistry of Housing and Urban Affairs chuan sorkar hmuna phalna nei loa awmte rang taka chhuahtir an nih theih dawn thu a sawi. 

He dan siamṭhatna hnuaiah hian Estate officer-te chuan phalna  nei loa awmte chhuahtir an nih hun tur hma ni thumah show cause notice an pe dawn a ni.

Sorkar chuan a hna­thawk te, Members of Parliament leh mi­dangte pawh an service hun chhung emaw an term chhungin license pechhuakin resi­dential accommodation a pe ṭhin a, allotment rules hman mekah chuan an term emaw an license nun hun chhung emaw a tawp chuan heng mite hi phalna nei loa awm an ni tawh a, an awmna hmun chu an chhuahsan a ngai a ni.

Dan siamṭhatna hnuai­ah hian Estate Offi­cer-te chuan hemi phalna nei loa chengte hi an chhuah­tir thei tawh dawn thung.