HC-in Aircel-Maxis case Special Judge kutah hlan vek dawn
Delhi High Court chuan Aircel-Maxis scam kaihhnawih thubuai zawng zawng chu Special Judge Ajay Kumar Kuhar kutah October 1 aṭangin a hlan vek dawn.
Aircel-Maxis thubuaiah hian union minister hlui P Chidambaram leh a fapa Karti Chidambaram-te inhnamhnawiha puh an ni. Thubuai khawihtu special judge Kuhar chuan Chidambaram-te fapa telna, INX-Media case a ngaihtuah mek bawk.
Judge Kuhar hian politician langsar ṭhenkhatte thubuai ngaihtuahtu, special court a ho mek. Thubuai an ngaihtuah mek zingah hian Congress hruaitu DK Shivkumar, RJD hotu Lalu Prasad leh a chhungte, Himachal Pradesh chief minister hlui Viebhadra Singh leh a chhungte kaihhnawih thubuaite an tel a ni.
Supreme Court chuan 2G spectrum licence pekchhuah chungchang thil dik lo awm kaihhnawih thubuaite chu day-to-day basis a ngaihtuah turin Jude Saini a ruat bawk.