Defence ministry-in Navy ralthuam tihchakna turin Rs vbc 5,100 a pawm

Defence ministry hnuia Defence Acquisition Council (DAC) Thawh­lehnia ṭhukawm chuan lawng sipai (Navy)-te ralthuam tihchak nana Rs vaibelchhe 5,100 dah tura ruahmanna awm chu a pawm.

Heng pawisate hi ramchhunga ralthuam siamtute dawr nan hman a ni dawn a, strategic partnership model hnuaia Navy-te'n tuihnuai lawng paruk an neih belh theih nan DAC chuan Indian strategic partners (SP) leh Original Equipment Manufacturer (OEM)-te chu a pawm bawk a ni.  

Strategic partnership model hnuaiah hian private firm thlanchhuah a ni dawn a, he private firm-te hian tuihnuai lawng leh indo thlawhtheihna siam hna a thawk dawn a ni. Mahse he private firm hian OEM a zawm thung ang.

Thawhlehnia meeting hi defence minister Rajnath Singh chuan a kai­hruai a, Chief of Defence Staff atan General Bipin Rawat a nih hnua DAC ṭhutkhawm hmasak ber a ni. Gen. Rawat hi meeting-ah hian a tel bawk.