HC-in Uttarakhand CM hlui 4-te hriattirna pe

Uttarakhand High Court (HC) chuan Thawhṭanni khan an state Chief Minister hlui 4 hnenah hriattirna a pe.

Uttarakhand  Chief Minister hlui 4-te hi Vijay Bahuguna, BC Khanduri, Nishank leh BS Koshyari-te an ni a, HC-in hriattirna a pek chhan hi, state governor kaltanga dan dik loa an mahni hamṭhatna tur dan an siama puhna petition thehluh a nih vang a ni.  

Petition thehluhah hian CM hluiten an hamṭhatna tur dan an siam, 'The Uttarakhand Former Chief Minister Facility (Residential and Other Facilities) Ordinance 2019' lo pawmpui tur hian governor Baby Rani Maurya chu thuneihna nei loah puh a ni bawk. Kumin May 3 khan HC chuan kum 2001 aṭang khan Uttarakhand-a chief minister hluiten an mahni hamṭhatna dan an siam ṭhin hi, thil dik lo a nih thu leh constitution kalh a nih thu a lo sawi tawh. 

Heng hmaṭhatna dan hmanga neih an tumte zingah hian inluah manah, nikum a boral ta CM hlui ND Tiwari chuan cheng vaibelchhe 1.12 pending a neih thu petition thehluh ah hian tarlan a ni a, BS Koshayri-an nuai 47.57, BC Khanduri chuan nuai 46.59, Ramesh Pokhriyal Nishank chuan nuai 40.95 leh Vijay Bahuguna chuan nuai 37.50 te pawisa lak tur an neih thu tarlan a ni.

Heng bakah te hian CM hluite hian vaibel-chhe 13 chu, an petrol man atan te, phone bill, an staff hlawh atan te, an zinna bill atan te, electric bill leh thil dang dang atan te pawisa lak tur an neih thu tarlan a ni bawk. August 7 khan HC chuan chief minister hlui Vijay Bahuguna leh Bhagat Singh Koshyari-ten an insawi thiamna court-a an thehluh chu a lo hnawlsak tawh a ni.