Rajnath Singh-a'n Fighter jet 'Tejas' a enchhin

Union defence mi­nister Rajnath Singh chuan nimin khan India siam Light Combat Air­craft (LCA) Tejas chu Bengaluru-ah enchhinna neiin, minute 30 chhung a chuang. 

Tejas hi four-and-half generation light combat aircraft niin, state-run aerospace  company Hin­dustan Aeronautics Ltd (HAL) siam a ni. LCA Tejas-ah hian IAF senior pilot chuan Rajnath Singh hi a thlawh­kualpui a, India Defence Minister awm tawh zinga LCA-a chuang hmasa ber a ni. Rajnath hian test flight a neih zawh hnu hian LCA Tejas-a chuan chu a nuamin a 'smooth' hle tih a sawi a, nuam a ti hle tih a sawi bawk. HAL, DRDO leh agency dang hemi atana thawkte chu a lawmpui thu sawiin, level dang kan kai leh ta a ni, tiin a sawi.

Defence minister hmasa Nirmala Sitha­raman kha Sukhoi-30 MKI fighter-ah lo chuang chhin tawh bawkin Rajasathan-a Jodhpur air base-ah January 17, 2008 khan co-pilot-ah a lo ṭang tawh bawk. Sitharaman pawh kha defence minister hmeichhe zinga fighter jet-a co-pilot-a ṭang hmasa ber a lo ni tawh bawk.