Mamata-in state hming thlak chungchang PM a sawipui

West Bengal chief minister Mamata Banerjee chuan Nilaini khan Prime Minister's Office (PMO)-ah prime minister Narendra Modi chu hmuin an state hming thlak chungchang a sawipui.

'Bangla' tia West Bengal hming hi thlak tum a ni a, an state hming thlak a nih theih nan hian West Bengal assembly chuan resolution an lo pass tawh a ni. PM Modi a kawm zawh hnu hian Mamata chuan thuthar lakhawmtute hmaah, tluang taka inbiakna an neih thu sawiin, an state hming West Bengal chu 'Bangla' tia thlak tum a nih hi West Bengal sorkar agenda a nih thu a sawi bawk. Thlak a nih theih nan hian Prime Minister hian theihtawp min chhuah pui a tiam a ni, a ti. 

Mamata chuan PM-in khawvela coal block lianber dawttu hawnna inkhawmah a sawm thu a sawi bawk. Thuthar lakhawmtute chuan Mamata hi National Register of Citizens (NRC) chungchang zawtin, Mamata chuan Assam Accord-ina a ngenna angin Assam-ah chuan NRC kalpui a ni a, mah se keini state-ah chuan NRC hi kalpui kan tum ve lo a ni, tiin a chhang.