Bihar-ah BJP-JDU thawkdunin seat 200 chuang la dawn : Nitish Kumar

Bihar chief minister Nitish Kumar chuan nakkuma an state-in assembly inthlan a neih hunah, National Democratic Alliance (NDA) hnuaia Bharatiya Janata Party (BJP) leh Janata Dal United (JDU) thawkdun chuan hnehna nasa tak an chang ngei dawn a ni, a ti. 

Nimina JDU state council meeting, Patna-a neiha thu sawiin, Nitish Kumar chuan BJP-JDU thawhdunna tihchhiat tumte chuan an tuar zawk dawn a ni a ti a, assembly inthlan neih turah hian assembly seat 234 aṭangin seat 200 chuang an la pha ngei dawn tih a sawi. 

Kumar chuan an party mem­ber-te hnenah amah sawichhiatna hrang hrang awm ṭhinte pawh engah mah ngai lo turin a chah a, hetianga thu sawi ṭhinte chu chhang let lo a, enliam mai turin a chah. BJP leh JDU thawhdunna chu a ṭhat thu sawiin, an thawhdunna a ṭha lo nia ngai mi ṭhenkhat an awm ṭhin a, mahse an ngaihdan ang chu a ni lo tih an sawi.