IAF hotu thar atan Air Marshal RKS Bhadauria ruat

Air Marshal RKS Bhadauria chu Chief of Air Staff thar atan ruat a ni a, September 30-ah Air Chief nilai, BS Dhanoa a thlak ang. 

Kum 60 mi, Air Marshal Bhadauria hian IAF hotu hna hi kum hnih a thawk dawn a ni. Air Chief BS Dhanoa dawta officer senior ber niin, tunah hian Vice Chief of the Indian Air Force a ni mek a ni. Hemi hma hian South Air Command leh Training Command-ah Air Officer Commanding-in-Chief pawh a lo ni tawh bawk. 

Test pilot a nih laia Tejas fighter jet lo khalh tawh leh IAF officer zinga France siam, Rafale fighter jet khalh hmasa ber zinga mi, Bhadauria hian fighter jet leh transport jet 26 khalh tawhin, boruakah darkar 4,250 chuang zet a lo thlawk tawh a ni. 

Air Marshal Bhadauria hi officer hmingṭha tak niin huaisen leh hnathawh ṭhat chawimawina pawh a dawng nual tawh a, chawimawina a dawn zingah hian Param Vishisht Seva Medal, Ati Vishisht SEva Medal leh Vayu Sena Medal-te a tel.