Shashi Tharoor-a'n PM-in zah a phu thu a sawi
Thiruvananthapuram Congress MP Shashi Tharoor chuan prime minister Narendra Modi chu ramdang tlawha India aiawha a zin chuan fak a phu tih sawiin, ramchhunga a awm lai erawh chuan insawifiah turin ka ti thei a ni, a ti.
Pune-a All India Professional Congress-in programme an buatsaihah thu sawiin Shashi Tharoor chuan hemi chungchang hi a sawi a ni.
Congress hruaitu hian thla hmasa lawk khan PM Modi hi lo fak tawh bawkin hemi avang hian sawiselna nasa tak a tawh phah a ni.
BJP ideology India tan a hlauhawm
Shahsi Tharoor chuan saffron party chu bei zuiin, ramchhunga Hindi common language-a hman an tum chu a dem thu a sawi. Three-language formula kan hman mek chu hman chhunzawm zel a la ṭul thu a sawi bawk.
BJP ideology - Hindi, Hinduism leh Hindustan chawisan an tumna chu India ram tan chuan a hlauhawm hle tih a sawi. BJP Hinduism ideology chu 'political ideology' a ni tih sawiin Hinduism tak tak nen inzawmna a nei lo tih a sawi a ni.
Mipui pungkhawmin mi an sawisak hlumna thleng ṭhin chungchangah BJP chu dem bawkin, Hinduism leh Lord Ram an ti hminghliau a ni, a ti.