Bawng talha puh mi pakhat sawisa hlum

Jharkhand-a Khunti district-ah Pathianni khan bawng talha puh mi pathum chu mipui thinrimin an sawisa a, pakhat chu sawisa hlumin midang pahnihten hliam na tak an tuar bawk. 

Police-te chuan Jaltlanga khuaa lui bulah mi pathum, Kalantus Barla, Fagu Kacchap leh Phlip Horo-te chu bawng ruang bulah hmuin, mipui thinrim chuan kut an thlak zui ta tih an sawi. He thil thlenna hmunah hian police-te kal nghalin an zinga pakhat, Barla chu damdawi-in lam panpui a nih laiin a thi a ni. Kacchap leh Horo-te hi Rajendra Institute of Medical Sciences, Ranchi-ah enkawl an ni. 

He pawikhawihna thleng kaih­hnawihah hian police-te hian mi panga an man a, Pathianni zan vek khan khawchhung mite chuan an mi mante chhuah phut hian Karra police station-ah an pungkhawm nghal a ni. Police-te chuan pawikhawihtute chu manin, an phu ang hremna pek ngei an ni dawn tih an sawi.