Rashtrapati Bhavan tlawh theih tawh dawn

Rashtrapati Bhavan chu mipuite tlawh theih turin February 6 aṭangin hawn a ni tawh dawn. Hripui leng vangin kum 2020, March 13 aṭang khan Rashtrapati Bhavan hi khar a lo ni tawh a ni. 

Inrinni leh Pathian_niah hawn a ni tawh dawn a, a tlawh tumte tan an website-ah book a ngai ang. A hmaa an kalpui angin, tlawh turte tan mi pakhatin registration tih man hi Rs 50 zel lak a ni leh ang. Social distancing dan zawm a nih thehna atan, tlawh theih hun hi ni khatah ṭum thum - chawhma dar 10.30, chhun dar 12:30 leh chawhnu dar 2:30-ah siamin, hun khatah hian mi 245 aia tam an awm phal a ni lo ang. Rashtrapati Bhavan tlawhtute chu sorkarin Covid-19 protocol a siamte ṭha taka zawm tura tih niin, face mask vuah leh social distancing dante zawm ngei tura ngei an ni.